第二戰: 比武
姜子牙夜探張良.....
姜子牙: 張良小兒, 可知我是你恩師?
姜子牙施展仙術....
貌如好女, 披著頭笠斗蓬既張良, 忽然變成猶如醉漢拳手既武吉.
姜子牙智力99, 武吉智力20.
姜子牙: 武吉仔, 聽日比武, 你打算用邊個身份同我比武? 武吉定張良?
武吉: 妖! 師傅呀, 乜你咁茅架! 宜家比武, 你夜晚已經黎鬥仙術! 你條友諗乜野我唔知咩!
姜子牙: 哈哈哈, 敬老要緊. 我係有少少茅, 所以比番你揀你用咩身份同我比武.
武吉: 妖! 你條友梗係諗武吉蠢, 捉佢黎度計講數, 咁你有數呀嘛! 張良虛弱, 一比武你贏硬, 所以度計就對武吉,
比武就對張良呀嘛!
姜子牙: 呢D明眼人都睇得出, 老人家直中取道, 志在必得.
武吉: 妖! 咁我武吉定個規則啦. 聽日比武係比武功定武力先?!
姜子牙: 有何分別?
武吉: 老姜呀, 你真係! 等我武吉教精你. 你仲記唔記得我武吉當年商周交戰, 係叻咩架?
姜子牙: 咪埋身肉搏, 主要任務係保護姬旦既安全囉. 同我呢種全面既主帥比, 文韜武略, 自然係小毛見大毛.
武吉: 妖! 咁我智力係20姐, 我有專精架嘛, 咪比武囉! 仲要係保鑣, 我好叻挨打架嘛. 你連咩叫比武功, 咩叫比武力都唔知, 成日當我白痴仔. 都話左隔行如隔山架啦! 你估智力99大哂咩? 智者咪會有盲點囉. 聽日我都用一個自然仙術反射啦! 你聽日比武功, 我張良; 你聽日比武力, 我武吉啦! 你咁瘋狂, 係咪想笑到我訓唔到覺呀! 妖, 忍笑忍到好辛苦, 聽日真係唔好咁弱智....
姜子牙: 成日嘻皮笑臉, 都無你師傅我咁成熟穩重. 武吉仔, 為師聽日整熄你D虛火.
武吉: 哈哈哈.... 頂你個肺, 姜師傅, 我今晚見到聽日咁, 點訓呀!
姜子牙離開工部尚書房, 心想: 有乜咁好笑? 呵, 比武功武力? 武學本來就包含武功同武力, 係全面既, 用一個身份又豈能獲得應有發揮, 根本自設牢籠. 聽日, 你一出張良, 我用氣功一打, 你張良仙骨輕功, 那能抵受我龍波衝擊? 武吉嘛? 我仙術變幻, 帶你極速飛行, 嚇得你自動投降. 什麼又功又力, 力好我就嚇你, 功好我就打你, 比武當然靠全面發揮同經驗獲勝架啦. 徒弟仔, 你入世未深呀. |